Տիգրան Դավթյան, Խորհրդի անկախ անդամ

Ծնվել է 22․03․1970թ. Սիսիան քաղաքում (ՀՀ)

 

Փորձը և հմտությունները

 

Տիգրան Դավթյանն ունի աշխատանքային հարուստ փորձ Հայաստանի ֆինանսական ոլորտում, ինչպես նաև դասախոսական փորձ՝ ՀՀ առաջատար բուհերում։ 

 

Պարոն Դավթյանը զբաղեցրել է ղեկավար պաշտոններ ՀՀ առևտրային բանկերում․ եղել է «Ինեկոբանկ» ՓԲԸ Տնօրինության նախագահ, գործադիր տնօրեն (2018-2019թթ.), «Կոնվերս Բանկ» ՓԲԸ Տնօրինության նախագահ, գործադիր տնօրեն (2009-2016թթ.): Մինչ այդ զբաղեցրել է «Կոնվերս Բանկ» ՓԲԸ Գործադիր տնօրենի տեղակալի, Ֆինանսական շուկաների վարչության պետի պաշտոնը (2008-2009թթ.):

 

2016-2018թթ. պարոն Դավթյանն աշխատել է Եվրասիական տնտեսական հանձնաժողովում՝ որպես Ֆինանսական քաղաքականության վարչության ղեկավար:

 

Տիգրան Դավթյանը ղեկավարել է USAID/EMG Հայաստանում Ֆինանսական շուկաների զարգացման ծրագրի (2006-2008թթ.), ինչպես նաև USAID/IBM BCS Հայաստանում կապիտալի շուկաների զարգացման ծրագրի (2002-2004թթ․) աշխատանքային խմբերը: 

 

1999-2002թթ. պարոն Դավթյանը զբաղեցրել է Հայաստանի կենտրոնական դեպոզիտարիայի վարչության նախագահի պաշտոնը: Մինչ այդ հանդիսացել է ՀՀ վարչապետի խորհրդականը՝ խորհրդատվություն տրամադրելով ֆինանսական շուկաների վերաբերյալ (1998-1999թթ.):

 

Պարոն Դավթյանն իր աշխատանքային գործունեությունը սկսել է 1991թ.՝ որպես ներդրումային ընկերության գլխավոր տնօրեն, ապա աշխատել է ՀՀ Կենտրոնական բանկում, որտեղ զբաղեցրել է տարբեր պաշտոններ (1994-1998թթ.):

 

Պարոն Դավթյանը 2016թ․-ից Եվրասիական համագործակցության ֆինանսաբանկային ասոցիացիայի համակարգող խորհրդի անդամ է։ 

 

2016թ․-ից Տիգրան Դավթյանը հանդիսանում է նաև Զինծառայողների ապահովագրության հիմնադրամի Խորհրդի անդամ:

 

 

Կրթություն 

 

Ավարտել է Երևանի պետական համալսարանի տնտեսագիտության ֆակուլտետը՝ ստանալով տնտեսագետ-մաթեմատիկոսի որակավորում: Տնտեսագիտական գիտությունների թեկնածու է:

Թարմացված է առ 21.08.2020 թ., 13:06

Բանկի կողմից տրամադրվող ծառայությունները

.
ԳԼԽԱՄԱՍԱՅԻՆ ԳՐԱՍԵՆՅԱԿ

Վազգեն Սարգսյան 2, Երևան 0010, ՀՀ

Հեռ.՝ (+37410) 56 11 11

ԱՄՆ-ում`

+1 888 802 5352

Մեծ Բրիտանիայում`

+448000465400

* Զանգի հնարավորությունը

հասանելի է տվյալ երկրի տարածքից

Հարգելի այցելու,

Կայքի որևէ տեղեկության վերաբերյալ տարբեր լեզուներում անհամապատասխանություն, ինչպես նաև ռուսերեն և անգլերեն տեքստերում ոչ ամբողջական նյութ տեսնելու դեպքում խնդրում ենք առաջնորդվել հայերեն տարբերակով:

 

Ամերիաբանկ ՓԲԸ-ն պատասխանատվություն չի կրում իր ինտերնետային կայքում հղված այլ անձանց ինտերնետային կայքերի բովանդակության ստույգության և արժանահավատության, այնտեղ տեղադրված գովազդների, ինչպես նաև երրորդ անձանց կողմից այդ կայքերում տեղադրված տեղեկության օգտագործման հնարավոր հետևանքների համար:

 

Ամերիաբանկ ՓԲԸ-ն վերահսկվում է ՀՀ ԿԲ կողմից:

© 2007-2021. All rights reserved.