Ֆիզիկական անձ հաճախորդների համար

USSD (Unstructured Supplementary Service Data) առցանց ծառայություն է, որը Հաճախորդին հնարավորություն է տալիս բջջային հեռախոսի միջոցով ստանալ համառոտ տեղեկատվություն բանկում առկա իր հաշվների վերաբերյալ (մնացորդ, վերջին 4-5 գործարքները), ինչպես նաև ակնթարթորեն բլոկավորել իր քարտը:

*Ամերիաբանկի քարտապանների համար ծառայությունն անվճար է:

USSD ծառայությունն առայժմ հասանելի է «Բիլայն», «Վիվասել ՄՏՍ» և «Յուքոմ» բջջային կապի օպերատորների բաժանորդներին:

USSD ծառայությունից օգտվելու համար անհրաժեշտ է.

1. Հաճախորդի կողմից Բանկին տրամադրված հեռախոսահամարից հավաքել *116# և հետևել հրահանգներին:
2. Ընտրել հետևյալ տարբերակներից մեկը՝

• Անհրաժեշտ քարտ,
• Լեզու (հայերեն, անգլերեն),
• Գանձումների մասին տեղեկացում:

3. «Անհրաժեշտ քարտ» տարբերակն ընտրելուց հետո ընտրել նշված գործողություններից որևէ մեկը.

• Մնացորդի հարցում,
• Համառոտ քաղվածք (վերջին 4-5 գործարքները, ընդ որում, գործարքների քանակը կախված է հեռախոսի տեխնիկական հնարավորություններից),
• Քարտի բլոկավորում:

4. Տարբերակներից որևէ մեկն ընտրելուց հետո, Հաճախորդին կուղարկվի համապատասխան բովանդակությամբ SMS հաղորդագրությունը:

Կարևոր է իմանալ նաև, որ.
1. Մեկ հեռախոսահամարին հնարավոր է կցել առավելագույնը 5 քարտ:
2. Հարցման արդյունքում, ցանկում արտացոլվում են նաև USSD ծառայությունը տրամադրող Հայաստանում գործող և ARCA համակարգի անդամ հանդիսացող այլ բանկերում առկա քարտերը, որոնք նույնպես գրանցված են տվյալ հեռախոսահամարի տակ:

Ուշադրություն.
Ձեր հեռախոսը երրորդ անձանց հասանելի դառնալու դեպքում, տվյալ հեռախոսի միջոցով ձեռք բերվող տեղեկատվության բացահայտման և դրանով կատարվող գործողությունների համար Բանկը պատասխանատվություն չի կրում:
Ծառայությունը կիրառելի է 2016 թ. դեկտեմբերի 10-ից: