Ներդրումային բանկ

Ամերիաբանկն իր հաճախորդներին առաջարկում է արտարժույթի փոխարկման ծառայություններ, այդ թվում՝ սփոթ, սվոպ և ֆորվարդային գործարքներ: Արտարժութային գործարքների կնքումը հնարավորություն է ընձեռում ձեռք բերել բանկի կողմից գնանշվող արժույթները մրցունակ փոխարժեքներով, ինչպես նաև փոխարժեքների շարունակական փոփոխման պայմաններում հնարավորին չափով նվազեցնել արժութային ռիսկերը: 

• Եթե արտարժույթի առքուվաճառքի գումարը գերազանցում է 400,000 ՀՀ դրամը, ապա գործարքի իրականացման համար անհրաժեշտ  է ներկայացնել անձը հաստատող փաստաթուղթ: 
• Օնլայն բանկինգ համակարգի միջոցով հաճախորդը կարող է իրականացնել արտարժույթի անկանխիկ առուվաճառք, ընդ որում, 20 մլն ՀՀ դրամ և ավել գործարքները ենթակա են հաստատման Բանկի կողմից: Աշխատանքային օրերին ժամը 18:00-ից հետո և ոչ աշխատանքային օրերին (ներառյալ տոն օրերը) օնլայն բանկինգ համակարգի միջոցով իրականացված արտարժույթի անկանխիկ առուվաճառքի 20 մլն ՀՀ դրամ և ավել գործարքները կարող են մերժվել` պայմանավորված ներքին և միջազգային շուկաներում փոխարժեքների տատանողականությամբ:
• Արտարժույթի փոխանակման գործարքները կարող են մերժվել նաև հետևյալ դեպքերում.

                   ✔ եթե տվյալ աշխատանքային օրվա ավարտին հաճախորդի հաշվի մնացորդը չի բավարարում գործարքի իրականացման համար;

                   ✔ եթե հաճախորդի հաշվի նկատմամբ առկա են սահմանափակումներ (ԴԱՀԿ արգելանք կամ այլ սահմանափակումներ);

                   ✔ եթե փոխանակման գործարքի գումարը կազմում կամ գերազանցում է 5,000 (հինգ հազար) ԱՄՆ դոլարը կամ դրան համարժեք` Բանկի կողմից գնանշվող այլ արտարժույթը  հաշվետեր չհանդիսացող ֆիզիկական անձանց դեպքում;

                   ✔ եթե փոխանակման գործարքի գումարը կազմում կամ գերազանցում է 200,000 (երկու հարյուր հազար) ԱՄՆ դոլարը կամ դրան համարժեք` Բանկի կողմից գնանշվող այլ արտարժույթը: Ընդ որում, սույն կետով նշված սահմանաչափը գերազանցելու դեպքում գործարքը կարող է կատարվել Բանկի կողմից հրապարկված փոխարժեքներից տարբերվող` հաճախորդի հետ պայմանագրային հիմունքներով համաձայնեցված այլ փոխարժեքով։

                   ✔ այլ:

• Օնլայն բանկինգի միջոցով իրականացվող արտարժույթի առքուվաճառքի գործարքների հնարավոր մերժումների դեպքում` հաճախորդին  իրազեկվում է մերժման պատճառը:
• Չինական յուանով առուվաճառքի գործարքները կնքվում են բացառապես իրավաբանական անձ հաճախորդների հետ` համապատասխան փաստաթղթերի առկայության դեպքում:
• Արտարժույթի առքուվաճառքի գործարքն անվճար է:

• Հնամաշ արտարժույթի փոխանակման սակագներ ֆիզիկական անձանց համար (դիտել էջ 8-ից)
• Հնամաշ արտարժույթի փոխանակման սակագներ իրավաբանական անձանց համար (դիտել էջ 6-ից)

Ամերիաբանկը, ունենալով արտարժութային շուկաներում գործարքների իրականացման լայն հնարավորություններ, իր հաճախորդներին առաջարկում է բանկի կողմից գնանշվող արտարժույթի փոխարկման գործառնություններ մրցունակ փոխարժեքներով:

Ամերիաբանկն իր հաճախորդներին առաջարկում է պայմանագրային հիմունքներով սվոփ գործարքների կնքում` ներքին և միջազգային շուկաներում: 

Ամերիաբանկն իր հաճախորդներին առաջարկում է բանկի կողմից գնանշվող արժույթներով ֆորվարդային գործարքներ, որոնց իրականացման ժամկետայնությունը պայմանավորված է գործարքի արժույթով: Արտարժույթ-արտարժույթ գործարքների դեպքում ժամկետը կարող է սահմանվել մինչև մեկ տարի: Արտարժույթ-ՀՀ դրամ գործարքների դեպքում ժամկետը սահմանվում է` ելնելով շուկայի իրավիճակից: Բոլոր ֆորվարդային գործարքները կրում են պայմանագրային բնույթ: