Ապրիլի 28-ին Արմենիա Մարիոթ հյուրանոցում տեղի ունեցավ մամուլի ասուլիս` նվիրված «Հայաստանում վերականգնվող էներգետիկայի և էներգախնայողության ծրագրերի ֆինանսավորման» համաժողովին:

Ասուլիսին մասնակցում էին Ավստրիական Զարգացման Բանկի (OeEB) Տնօրինության խորհրդի անդամ Անդրեա Հագմանը, Ավստրիական Դաշնային տնտեսական պալատի ԱՊՀ տարածաշրջանի տնօրեն Հայնց Վալտերը, Էներգետիկայի և բնական պաշարների նախարարության Զարգացման դեպարտամենտի էներգախնայողության և տեխնիկական նորմատիվերի բաժնի պետ Հայկ Բադալյանը և Ամերիաբանկի Տնօրինության նախագահ-Գլխավոր տնօրեն Արտակ Հանեսյանը:

Համաժողովի հիմնական նպատակը արդյունաբերության տարբեր ճյուղեր ներկայացնող 18 ավստրիական ընկերություններից կազմված գործարար պատվիրակության և հայկական ձեռնարկություններիղ B2B (Բիզնեսը բիզնեսի համար) ձևաչափով համագործակցությունների հիմնումը և դրանց հետագա զարգացումն է: