HERE AND BEYOND
Հարկային մարմնին տրամադրվող տեղեկանքների ներկայացման նոր եղանակ
Մամուլի կենտրոն

Սիրելի հաճախորդներ,

 

Հոգ տանելով Ձեր մասին` Ամերիաբանկը ՀՀ պետական եկամուտների կոմիտեի (այսուհետ` ՊԵԿ) հետ ներդրել է անշարժ գույքի ձեռքբերման և կառուցապատման վարկերի գծով վճարված տոկոսագումարների վերաբերյալ հարկային մարմնին տրամադրվող տեղեկանքների և դիմումների ներկայացման նոր եղանակ։ 

2020 թ. առաջին եռամսյակում վճարված տոկոսագումարների վերաբերյալ բանկից ֆիզիկապես տեղեկանք ստանալու և ՊԵԿ ներկայացնելու անհրաժեշտություն չկա։Տեղեկանքը Բանկի կողմից անմիջապես ՊԵԿ ուղարկելու համար անհրաժեշտ է առցանց դիմում ներկայացնել Ինտերնետ/Մոբայլ բանկ համակարգերի միջոցով:

Տոկոսագումարների վերադարձման նպատակով ՊԵԿ ներկայացման ենթակա այլ փաստաթղթերի առկայության պարագայում դրանք կարող եք հարկային մարմին ներկայացնել փոստային ծառայության միջոցով:

Կորոնավիրուսի տարածմամբ պայմանավորված` Պետական եկամուտների կոմիտեն վարկառուներին (համավարկառուներին) առաջարկում է հիփոթեքային վարկի սպասարկման համար վճարված գումարների չափով վճարված եկամտային հարկի գումարների վերադարձման համար սահմանված դիմումները (բացառությամբ առաջին անգամ ներկայացվող դիմումի) ստորագրված և սկանավորված ուղարկել hipoteq@taxservice.am էլեկտրոնային հասցեին։

Հաշվի առնելով այն հանգամանքը, որ աշխատանքները կատարվում են հեռավար, դրանք պատշաճ իրականացնելու նպատակով դիմումի հետ միասին պարտադիր ներկայացման ենթակա է նաև վարկառու և(կամ) համավարկառու ֆիզիկական անձի անձնագրի (նույնականացման քարտի) տեսաներածված տարբերակը, ինչպես նաև ստորև ներկայացված ձևաթուղթը բացառապես էլեկտրոնային լրացված տարբերակով։

Թարմացված է առ 10.04.2020 թ., 17:24
2021 © "Ameriabank" CJSC   |   Բոլոր հեղինակային իրավունքները պաշտպանված են:

Հարգելի այցելու,

Կայքի որևէ տեղեկության վերաբերյալ տարբեր լեզուներում անհամապատասխանություն, ինչպես նաև ռուսերեն և անգլերեն տեքստերում ոչ ամբողջական նյութ տեսնելու դեպքում խնդրում ենք առաջնորդվել հայերեն տարբերակով:

 

Ամերիաբանկ ՓԲԸ-ն պատասխանատվություն չի կրում իր ինտերնետային կայքում հղված այլ անձանց ինտերնետային կայքերի բովանդակության ստույգության և արժանահավատության, այնտեղ տեղադրված գովազդների, ինչպես նաև երրորդ անձանց կողմից այդ կայքերում տեղադրված տեղեկության օգտագործման հնարավոր հետևանքների համար:

 

Ամերիաբանկ ՓԲԸ-ն վերահսկվում է ՀՀ ԿԲ կողմից: