«Ամերիա» ընկերությունների խումբը հանդես եկավ հատուկ խրախուսական մրցանակով Հեքըթոն[ՅԱՆ] Թռիչք 2013 մրցույթի ժամանակ:

Սույն թվականի դեկտեմբերի 21-22-ը Զվարթնոց օդանավակայանի ժամանումների սրահում տեղի ունեցավ Հեքըթոն[ՅԱՆ] Թռիչք 2013 ծրագրավորման ու նորարարության մրցույթը, որի ժամանակ 51 թիմ` կազմված ծրագրավորողներից, ինչպես նաև այլ մասնագետներից, 24 ժամում մշակեց և ժյուրիին ներկայացրեց տարբեր ոլորտներում խնդիրների լուծմանն ուղղված նորարար նախատիպեր: 

«Ամերիա» ընկերությունների խումբն ի սկզբանե նախատեսել էր ֆինանսական ոլորտին ուղղված լավագույն նորարարական նախատիպի համար հատուկ մրցանակ` iPhone 5 հեռախոս: Քանի որ ներկայացված աշխատանքներում բացակայում էր ֆինանսական ոլորտին առնչվող նախատիպ, Ամերիան որոշեց մրցանակը շնորհել այն աշխատանքի համար, որը տալիս էր ավելին իրագործելու ազատություն: «Ամերիա» հատուկ մրցանակը շնորհվեց Նարեկ Հայրապետյանին` Muzella նախագծի համար, որը տալիս է ստեղծագործելու ազատություն:

Նշենք, որ մրցույթը կազմակերպվել էր Հայաստանի Մայքրոսոֆթ ինովացիոն կենտրոնի, Հանրային լրագրության ակումբի, Զվարթնոց միջազգային օդանավակայանի կողմից՝ Մայքրոսոֆթ ընկերության և Քաունթերփարթ ինթերնեշնլի հետ համատեղ: