Վերակառուցման և Զարգացման Եվրոպական Բանկի մեկնարկած Կանաչ տնտեսության ֆինանսավորման նոր ծրագրի ներքո տեղի ունեցած միջոցառման ժամանակ ս.թ. փետրվարի 19-ին Ամերիաբանկն արժանացավ «Փոփոխության գործակալ 2018» մրցանակին՝ ջերմոցային տնտեսությունում կանաչ ներդրումների աջակցության համար:

Տեղեկացնենք, որ Ամերիաբանկը վերջին տարիներին միայն ՎԶԵԲ-ից ներգրավել է 100 մլն դոլարից ավել գումար, որից շուրջ ¼-ը ներդրվել է էներգախնայողության ծրագրերի շրջանակներում: Ֆինանսական աջակցությունն ուղղվել է ոչ միայն գործող, այլ նաև զրոյից հիմնվող ջերմոցային տնտեսություններին: