HERE AND BEYOND
Փոփոխություններ Ամերիաբանկի քարտերի սպասարկման պայմաններում
Մամուլի կենտրոն

Հարգելի′ հաճախորդ

Տեղեկացնում ենք, որ Ձեր սպասարկումն առավել արդյունավետ դարձնելու համար Ամերիաբանկի կողմից տրամադրվող քարտերի սպասարկման պայմաններում և սակագներում կատարվել են փոփոխություններ: Սակագների առանցքային փոփոխությունը քարտերի տարանջատումն է դեբետային և վարկային քարտերի, որոնք ունեն տարանջատված սակագներ.

  •   Կրեդիտային (վարկային) քարտեր են համարվում արտոնյալ* ժամանակահատվածով վարկային գծի հնարավորությամբ բոլոր քարտերը:
  •   Դեբետային քարտեր են համարվում առանց արտոնյալ ժամանակահատվածի վարկային գծի (ներառյալ` օվերդրաֆտի հնարավորությամբ) բոլոր քարտերը:

Փոփոխությունների արդյունքում քարտերը տարբերակվել են ըստ իրենց նշանակության: Այսպես, Ձեր դեբետային քարտը, նախատեսված լինելով և´ կանխիկ, և´ անկանխիկ գործարքների համար, այժմ ունի կանխիկացման ցածր սակագին թե´ Ամերիաբանկի բանկոմատներում, և թե´ այլ բանկոմատներում (նաև արտերկրում):

Կրեդիտային քարտերով, որոնք նախատեսված են Ձեր անկանխիկ վճարումների համար, կարող է տրամադրվել վարկային գիծ՝ արտոնյալ ժամանակահատվածով: Դուք հնարավորություն կունենաք գնելու Ձեր նախընտրած ապրանքն այսօր՝ դրա դիմաց վճարելով մինչև 51 օր արտոնյալ ժամանակահատվածում:

Բացի այդ, բոլոր քարտատեսակներով սահմանված է SMS հաղորդագրությունների անվճար ուղարկում (հաղորդագրությունն ուղարկվում է 10,000 դրամից կամ համարժեք արտարժույթից ավելի գումարով գործարքների դեպքում):

Նշված փոփոխությունները նոր թողարկվող քարտերի համար կգործեն սույն թվականի ապրիլի 22-ից, իսկ գործող քարտերի համար՝ հունիսի 1-ից:

Կից մանրամասնորեն ներկայացված են սակագներում կատարված բոլոր փոփոխությունները դեբետային և կրեդիտային քարտերի համար։

Հավելյալ տեղեկությունների համար կարող եք զանգահարել (010) 56 11 11 հեռախոսահամարով կամ այցելել բանկի ցանկացած մասնաճյուղ, աշխատանքային օրերին` ժամը 9:30-17:00, շաբաթ օրերին` ժամը 10:00-15:30 /միայն Շենգավիթ, Սայաթ-Նովա և Կոմիտաս մասնաճյուղեր/։

Մենք կարևորում ենք մեր համագործակցությունը և շնորհակալ ենք մեր քարտային ծառայություններից օգտվելու համար։

Հարգանքով`
Ամերիաբանկ

*Արտոնյալ ժամանակահատվածով վարկային գծի դեպքում, եթե վարկառուն մեկ ամսվա ընթացքում գծի սահմաններում օգտագործված գումարները ամբողջությամբ մարում է մինչև տվյալ ամսվան հաջորդող ամսվա 21-ը (վճարման արտոնյալ ժամանակահատված), ապա օգտագործված գումարների վրա տոկոս չի հաշվարկվում:
 

Թարմացված է առ 22.04.2013 թ., 11:04
2021 © "Ameriabank" CJSC   |   Բոլոր հեղինակային իրավունքները պաշտպանված են:

Հարգելի այցելու,

Կայքի որևէ տեղեկության վերաբերյալ տարբեր լեզուներում անհամապատասխանություն, ինչպես նաև ռուսերեն և անգլերեն տեքստերում ոչ ամբողջական նյութ տեսնելու դեպքում խնդրում ենք առաջնորդվել հայերեն տարբերակով:

 

Ամերիաբանկ ՓԲԸ-ն պատասխանատվություն չի կրում իր ինտերնետային կայքում հղված այլ անձանց ինտերնետային կայքերի բովանդակության ստույգության և արժանահավատության, այնտեղ տեղադրված գովազդների, ինչպես նաև երրորդ անձանց կողմից այդ կայքերում տեղադրված տեղեկության օգտագործման հնարավոր հետևանքների համար:

 

Ամերիաբանկ ՓԲԸ-ն վերահսկվում է ՀՀ ԿԲ կողմից: