HERE AND BEYOND
Ամերիաբանկը կնքեց խոշոր գումարով պայմանագրեր ՎԶԵԲ-ի և IFC-ի հետ
Մամուլի կենտրոն

Ս.թ. հունվարի 21-ին Ազգային պատկերասրահի միջնադարյան որմնանկարների սրահում տեղի ունեցավ Ամերիաբանկի և Վերակառուցման և զարգացման եվրոպական բանկի (ՎԶԵԲ), Ամերիաբանկի և Միջազգային Ֆինանսական Կորպորացիայի (IFC) միջև պայմանագրերի կնքման հանդիսավոր արարողությունը: 
Համաձայն պայմանագրի` ՎԶԵԲ-ը 40 մլն ԱՄՆ դոլարի ներդրում է կատարում Ամերիաբանկի բաժնետոմսերի ձեռքբերման նպատակով: Այս գործարքը տարածաշրջանում բաժնետոմսերի ձեռքբերման խոշորագույն գործարքն է, որը մինչ օրս ստորագրվել է ՎԶԵԲ-ի կողմից:
Համաշխարհային բանկի խմբի անդամ IFC-ն 50 մլն ԱՄՆ դոլարի ստորադաս փոխառություն է տրամադրել Ամերիաբանկին՝ վերջինիս կապիտալը ավելացնելու նպատակով:

Արարողության ընթացքում ելույթներով հանդես եկան ՀՀ ԿԲ նախագահ Արթուր Ջավադյանը, Ամերիաբանկի Տնօրենների խորհրդի նախագահ Անդրեյ Մկրտչյանը, ՎԶԵԲ ֆինանսական հաստատությունների գծով գործադիր տնօրեն Նիք Թեսեյմանը, IFC Եվրոպայի և Կենտրոնական Ասիայի տարածաշրջանում տնօրեն Թոմաշ Թելման:

Նշենք, որ Ամերիաբանկը Հայաստանի ֆինանսական համակարգի ամենախոշոր հարկատուն է: Այսօր բանկի ակտիվները գերազանցում են 1մլդ ԱՄՆ դոլարը, որն աննախադեպ է անկախ Հայաստանի բանկային պատմության մեջ:

 

Թարմացված է առ 26.01.2016 թ., 17:09
2021 © "Ameriabank" CJSC   |   Բոլոր հեղինակային իրավունքները պաշտպանված են:

Հարգելի այցելու,

Կայքի որևէ տեղեկության վերաբերյալ տարբեր լեզուներում անհամապատասխանություն, ինչպես նաև ռուսերեն և անգլերեն տեքստերում ոչ ամբողջական նյութ տեսնելու դեպքում խնդրում ենք առաջնորդվել հայերեն տարբերակով:

 

Ամերիաբանկ ՓԲԸ-ն պատասխանատվություն չի կրում իր ինտերնետային կայքում հղված այլ անձանց ինտերնետային կայքերի բովանդակության ստույգության և արժանահավատության, այնտեղ տեղադրված գովազդների, ինչպես նաև երրորդ անձանց կողմից այդ կայքերում տեղադրված տեղեկության օգտագործման հնարավոր հետևանքների համար:

 

Ամերիաբանկ ՓԲԸ-ն վերահսկվում է ՀՀ ԿԲ կողմից: