Հարգելի′ հաճախորդ
Տեղեկացնում ենք, որ «Ամերիաբանկ» ՓԲԸ կողմից մատուցվող ծառայությունների պայմանները/սակագները փոփոխվել/լրացվել են հետևյալ դրույթներով.

• Հաջորդող գրավի թույլտվության սակագինը սահմանվել է.

իրավաբանական անձ վարկառուների գծով` 500 000 ՀՀ դրամ /ներառյալ ԱԱՀ/, իսկ ֆիզիկական անձ վարկառուների գծով` 100 000 ՀՀ դրամ /ներառյալ ԱԱՀ/ / նշված սակագները նշված են ներառյալ ԱԱՀ-ի գումարը և կիրառելի են Բանկի իրավասու մարմնի կողմից հաջորդող գրավի թույլտվության տրամադրման դեպքում/:
Վերը նշված պայմանները կիրառելի են սկսած ս.թ. հունիսի 15-ից:

• Արտարժույթի փոխարժեքների հետ կապված հետևյալ փոփոխությունը.

Բանկը յուրաքանչյուր օրվա համար սահմանում է արտարժույթի առք և վաճառքի փոխարժեքներ, որոնք գործում են Բանկի աշխատանքային ժամերին: Հեռակառավարման համակարգերով (Ինտերնետ-Բանկ, Բանկ-Հաճախորդ համակարգեր) հաճախորդների սպասարկման ընթացքում աշխատանքային ժամերից դուրս (մինչև ժամը 09:30 և ժամը 17:00-ից հետո), նաև ոչ աշխատանքային օրերին, այդ թվում նաև շաբաթ օրերին ստացված արտարժույթի փոխանակման հայտերը Բանկի կողմից կարող են մերժվել:
Վերը նշված պայմանները կիրառելի են սկսած ս.թ. հունիսի 10-ից:

Մանրամասներին կարող եք ծանոթանալ` դիմելով Ձեզ սպասարկող հաճախորդի մենեջերին
Հարգանքով` «Ամերիաբանկ» ՓԲԸ