HERE AND BEYOND
"Ամերիաբանկ"-ը կազմակերպել է լիզինգային ծառայության շնորհանդես
Մամուլի կենտրոն

"Ամերիաբանկ"-ը ընթացիկ տարվա մարտի 30-31-ը կազմակերպել է լիզինգային / ֆինանսական վարձակալության/ ծառայության շնորհանդես՝ տնտեսության տարբեր ոլորտների խոշոր գործարարներիմասնակցությամբ, որոնք հանրապետություն են ներմուծում  փոխադրամիջոցներ, արդյունաբերական, բժշկական սարքավորումներ, շինարարական և առևտրային ոլորտի տեխնիկա և այլ հիմնական միջոցներ: Շնորհանդեսիկազմակերպումը նպատակ ուներ գործարար հասարակությանը լուսաբանելու "Ամերիաբանկ"-ի կողմից առաջարկվող լիզինգային ծառայության պայմանները և առաջարկելու փոխշահավետ համագործակցություն, ինչպես նաև ներկայացնելու լիզինգային ծառայության առավելություններն ու կարևորությունը ներկայիս ֆինանսական շուկայի պայմաններում:

Ամերիաբանկը  ՀՀ բանկային համակարգում այն սակավաթիվ բանկերից է, որ մատուցում է լիզինգային ծառայություն: Բանկը  սկսել է այդ ծառայության մատուցումը 2008 թվականի հունիս ամսից և նպատակ ունիընթացիկ տարում այն առավել զարգացնել՝ առաջարկելով ծառայությունը տնտեսության բոլոր ոլորտների կազմակերպություններին՝ միաժամանակ ապահովելով ճկուն, մրցունակ պայմաններ:
Շնորհանդեսի մասնակից "Լարի" պանիր արտադրողների իրավաբանական անձանց միության տնօրեն պարոն Արմեն Գիգոյանը նշեց, որ շնորհանդեսից գոհ է, առաջարկը հետաքրքրել է իրեն  և հույս հայտնեց, որհամագործակցության ընթացքում, որը նա միանշանակ ակնկալում է,  կառաջարկվեն առավել արդյունավետ և ճկուն պայմաններ, քան այսօր իրենք ունեն:
 “ԱԲԲ” կոնցեռնի ֆինանսական տնօրեն պարոն Բաբկեն Ավետիսյանը մեկնաբանեց, որ իրենք շինարարական կազմակերպություն են, շատ մեծ քանակի տեխնիկա են ներմուծում, ունեն առաջարկներ Չինաստանից,Ամերիկայից և լիզինգային ծառայությունն իրենց հետաքրքրում է թե՛ իրենց համար ներմուծվող տեխնիկայի և թե՛ իրենց գնորդ գործընկերների ֆինանսավորման համար: Նա նաև հայտնեց, որ օգտվել են արդեն լիզինգայինծառայությունից և հույս հայտնեց, "Ամերիաբանկ"-ի հետ հետագա համագործակցություն՝ առավել բարենպաստ պայմաններով:
Ընդհանուր առմամբ, շնորհանդեսի մասնակիցները նշեցին, որ "Ամերիաբանկ"-ի կողմից առաջարկվող լիզինգային ծառայության պայմանները բավականին ճկուն են և ենթադրում են արդյունավետ համագործակցությաննոր հնարավորություններ:

Թարմացված է առ 20.10.2009 թ., 10:22
2021 © "Ameriabank" CJSC   |   Բոլոր հեղինակային իրավունքները պաշտպանված են:

Հարգելի այցելու,

Կայքի որևէ տեղեկության վերաբերյալ տարբեր լեզուներում անհամապատասխանություն, ինչպես նաև ռուսերեն և անգլերեն տեքստերում ոչ ամբողջական նյութ տեսնելու դեպքում խնդրում ենք առաջնորդվել հայերեն տարբերակով:

 

Ամերիաբանկ ՓԲԸ-ն պատասխանատվություն չի կրում իր ինտերնետային կայքում հղված այլ անձանց ինտերնետային կայքերի բովանդակության ստույգության և արժանահավատության, այնտեղ տեղադրված գովազդների, ինչպես նաև երրորդ անձանց կողմից այդ կայքերում տեղադրված տեղեկության օգտագործման հնարավոր հետևանքների համար:

 

Ամերիաբանկ ՓԲԸ-ն վերահսկվում է ՀՀ ԿԲ կողմից: