HERE AND BEYOND
Ամերիաբանկի լիզինգային գործառնությունների ծավալն աճում է մեծ տեմպերով
Մամուլի կենտրոն

 

Ամերիաբանկն ընթացիկ տարվա չորս ամսում ապահովել է ֆինանսական վարձակալության /լիզինգ/ գծով գործառնությունների ծավալային աճ մոտ 100 %-ով: Բանկն այս ծառայությունը մատուցում է շուրջ երկու տարի և լինելով ՀՀ բանկային համակարգի սակավաթիվ բանկերից մեկը, որ հանդես է գալիս լիզինգային ծառայության մատուցմամբ՝ մշակել է ճկուն և մրցունակ պայմաններ, ինչի շնորհիվ ակտիվորեն հանդես է գալիս ֆինանսական շուկայում:

Բանկի լիզինգային գործառնությունների ծավալը 2009 թվականին աճել է 147 %-ով և արդեն տարեվերջին լիզինգի պորտֆելը կազմել է 361 մլն դրամ: Իսկ ընթացիկ տարվա չորս ամսվա արդյունքներով այդ ցուցանիշը կազմել է 721 մլն դրամ, որից 45%-ը բաժին է ընկնում հանքարդյունաբերության, 35%-ը` շինարարության, իսկ 20%-ը` սննդի արդյունաբերության, առողջապահության, առևտրի և ծառայությունների ոլորտներին: Լիզինգային գործառնությունների իրականացման ընթացքում Բանկը գործընկերական հարաբերություններ է ձևավորել միջազգային հեղինակություն վայելող խոշորագույն կազմակերպությունների հետ: 

Ամերիաբանկը նախատեսում է 2010թ. շարունակել ակտիվորեն հանդես գալ լիզինգային գործառնությունների իրականացմամբ և մինչև երրորդ եռամսյակի ավարտը կրկնապատկել պորտֆելը:
Թարմացված է առ 27.05.2010 թ., 11:21
2021 © "Ameriabank" CJSC   |   Բոլոր հեղինակային իրավունքները պաշտպանված են:

Հարգելի այցելու,

Կայքի որևէ տեղեկության վերաբերյալ տարբեր լեզուներում անհամապատասխանություն, ինչպես նաև ռուսերեն և անգլերեն տեքստերում ոչ ամբողջական նյութ տեսնելու դեպքում խնդրում ենք առաջնորդվել հայերեն տարբերակով:

 

Ամերիաբանկ ՓԲԸ-ն պատասխանատվություն չի կրում իր ինտերնետային կայքում հղված այլ անձանց ինտերնետային կայքերի բովանդակության ստույգության և արժանահավատության, այնտեղ տեղադրված գովազդների, ինչպես նաև երրորդ անձանց կողմից այդ կայքերում տեղադրված տեղեկության օգտագործման հնարավոր հետևանքների համար:

 

Ամերիաբանկ ՓԲԸ-ն վերահսկվում է ՀՀ ԿԲ կողմից: