HERE AND BEYOND
Մարտի 5-ին Դիլիջանում պաշտոնապես բացվեց Ամերիաբանկի մասնաճյուղը:
Մամուլի կենտրոն
Երեւան /Մեդիամաքս/. Մարտի 5-ին Դիլիջանում պաշտոնապես բացվեց “Ամերիաբանկի” մասնաճյուղը:
 
Միջոցառմանը մասնակցեցին ՀՀ Կենտրոնական բանկի նախագահ Արթուր Ջավադյանը, “Ամերիաբանկի” խորհրդի նախագահ Ռուբեն Վարդանյանը, Տավուշի մարզպետ Արմեն Ղուլարյանը:
 
“Սա Ամերիաբանկի չորրորդ մասնաճյուղն է և հատկանշական է, որ այն բացում ենք Դիլիջանում: Մասնաճյուղի բացումը նպատակ ունի խթանել այս տարածաշրջանի, Դիլիջան քաղաքի զարգացմանը: Մենք շատ ակտիվ ենք լինելեու այս տարածաշրջանում թե’ վարկավորման, թե’ հաճախորդների ներգրավման և այլ ծրագրերով: Մեր գործունեությունը հիմնականում ուղղվելու է զբոսաշրջիկության զարգացմանը, վերամշակող արտադրությանը, ծառայությունների զարգացմանը”, - ասաց “Ամերիաբանկի” գլխավոր տնօրեն Արտակ Հանեսյանը:
 
“Ամերիաբանկի” Խորհրդի նախագահ Ռուբեն Վարդանյանն իր հերթին ասաց.
“Ամեն ինչ անելու ենք, որ սպասարկումն այստեղ լինի նույն մակարդակով, ինչպես Երևանում: Սա Տավուշի մարզում մեր առաջին քայլն է, այստեղ մեծ զարգացման ծրագրեր կան, որ պետությունն է անում, մասնավոր բիզնեսը: Զարգացման համար շատ կարեւոր են ենթակառուցվածքները, պետք է կառուցել դպրոցներ, հիվանդանոցներ, բանկային համակարգ, մատուցել բարձր մակարդակի
ծառայություններ”:
 
Ռուբեն Վարդանյանն արնդրադարձավ նաեւ Դիլիջանում բիզնես-դպրոց կառուցելու իր նախագծին.
“Դպրոցում սովորելու են 13-18 տարեկան երեխաներ և ոչ միայն Հայաստանից: Նախագիծն արդեն պատրաստ է, հուսով ենք, որ շինարարությունը կսկսվի գարնանը և 2013թ. դպրոցն արդեն կաշխատի: Սա լինելու է նոր մոդելի դպրոց-ինտերնատ և պետք է օրինակ դառնա Հայաստանում նման դպրոցներ ստեղծելու համար”:
Թարմացված է առ 09.03.2010 թ., 19:33
2021 © "Ameriabank" CJSC   |   Բոլոր հեղինակային իրավունքները պաշտպանված են:

Հարգելի այցելու,

Կայքի որևէ տեղեկության վերաբերյալ տարբեր լեզուներում անհամապատասխանություն, ինչպես նաև ռուսերեն և անգլերեն տեքստերում ոչ ամբողջական նյութ տեսնելու դեպքում խնդրում ենք առաջնորդվել հայերեն տարբերակով:

 

Ամերիաբանկ ՓԲԸ-ն պատասխանատվություն չի կրում իր ինտերնետային կայքում հղված այլ անձանց ինտերնետային կայքերի բովանդակության ստույգության և արժանահավատության, այնտեղ տեղադրված գովազդների, ինչպես նաև երրորդ անձանց կողմից այդ կայքերում տեղադրված տեղեկության օգտագործման հնարավոր հետևանքների համար:

 

Ամերիաբանկ ՓԲԸ-ն վերահսկվում է ՀՀ ԿԲ կողմից: