HERE AND BEYOND
Ամերիաբանկն ավարտել է բանակցությունները FMO-ից և DEG-ից 30 մլն ԱՄՆ դոլարի վարկի ներգրավման ուղղությամբ
Մամուլի կենտրոն
Ամերիաբանկն ավարտեց բանակցությունները զարգացման ֆինանսական երկու նշանավոր կազմակերպությունների` FMO-ի (NEDERLANDSE FINANCIERINGS-MAATSCHAPPIJ VOOR ONTWIKKELINGSLANDEN N.V.) և DEG-ի (DEUTSCHE INVESTITIONS - UND ENTWICKLUNGSGESELLSCHAFT MBH) հետ` պարտքային ֆինանսավորման ներգրավման ուղղությամբ:
 
Վերոհիշյալ կազմակերպություններից ներգրավվելու է 30 մլն ԱՄՆ դոլարի չափով վարկ, որից 20 մլն ԱՄՆ դոլարը` բիզնեսի վարկավորման համար, իսկ 10 մլն ԱՄՆ դոլարը` վերականգնվող էներգետիկայի ոլորտի փոքր հիդրոէլեկտրակայանների կամ հողմակայանների վարկավորման համար: Վարկերը տրամադրվելու են շուկայում գործող մարման ժամկետներից զգալիորեն երկար ժամկետներով: 
 
Բիզնեսի վարկերը նախատեսված են բոլոր այն կազմակերպությունների համար, որոնց տարեկան շրջանառությունը կազմում է 5 մլն դրամից մինչև 5 մլրդ դրամ, իսկ աշխատակիցների թվաքանակը` մինչև 250: Տրամադրվող վարկերի գումարը կարող է հասնել մինչև 1.5 մլն ԱՄՆ դոլարի, իսկ վերականգնվող էներգետիկայի ոլորտի ձեռնարկություններին կարող են տրամադրվել վարկեր` մինչև 5 մլն ԱՄՆ դոլարի չափով:
 
Ամերիաբանկի կողմից FMO և DEG միջազգային խոշորագույն կազմակերպություններից բացառիկ պայմաններով ներգրավվելիք գումարները մեծապես կնպաստեն Բանկի կողմից արդեն իրականացվող վարկավորման ծրագրերի բարեհաջող իրագործմանը:
 
***
 
FMO-ի մասին
 
Նիդերլանդների զարգացման ֆինանսական ընկերությունը (FMO) երկրի միջազգային զարգացման բանկն է: Զբաղվում է զարգացող երկրների ընկերություններում և ֆինանսական հաստատություններում ռիսկային կապիտալի ներդրումներով: FMO-ի ներդրումային պորտֆելը կազմում է 4.2 մլրդ եվրո, ինչի շնորհիվ այն դասվում է մասնավոր հատվածը ֆինանսավորող աշխարհի ամենախոշոր զարգացման բանկերի շարքում: Մասամբ նաև հոլանդական կառավարության հետ ունեցած իր կապերի շնորհիվ` FMO-ն ունակ է ստանձնել այնպիսի ռիսկեր, որոնք առևտրային ֆինանսների ոլորտի ներկայացուցիչները պատրաստ չեն կամ դեռևս պատրաստ չեն ստանձնել: FMO-ի առաքելությունն է ստեղծել բարգավաճող ընկերություններ և ֆինանսական հաստատություններ, որոնք կնպաստեն իրենց երկրների կայուն զարգացմանը: Լրացուցիչ տեղեկությունների համար կարող եք այցելել www.fmo.nl:
 
DEG-ի մասին
 
DEG-ը հանդիսանում է KfW Bankengruppe-ի (KfW բանկային խումբ) անդամ: Ֆինանսավորում է զարգացող և անցումային շրջանում գտնվող երկրներում մասնավոր ընկերությունների ներդրումները: Որպես Եվրոպայի խոշորագույն զարգազման ֆինանսական կազմակերպություններից մեկը` DEG-ը խրախուսում է մասնավոր բիզնեսի կառույցներին` ներդրումներ կատարելու կայուն տնտեսական աճի և կենսամակարդակի բարձրացման համար: Լրացուցիչ տեղեկությունների համար կարող եք այցելել www.deginvest.de
Թարմացված է առ 13.01.2010 թ., 19:10
2021 © "Ameriabank" CJSC   |   Բոլոր հեղինակային իրավունքները պաշտպանված են:

Հարգելի այցելու,

Կայքի որևէ տեղեկության վերաբերյալ տարբեր լեզուներում անհամապատասխանություն, ինչպես նաև ռուսերեն և անգլերեն տեքստերում ոչ ամբողջական նյութ տեսնելու դեպքում խնդրում ենք առաջնորդվել հայերեն տարբերակով:

 

Ամերիաբանկ ՓԲԸ-ն պատասխանատվություն չի կրում իր ինտերնետային կայքում հղված այլ անձանց ինտերնետային կայքերի բովանդակության ստույգության և արժանահավատության, այնտեղ տեղադրված գովազդների, ինչպես նաև երրորդ անձանց կողմից այդ կայքերում տեղադրված տեղեկության օգտագործման հնարավոր հետևանքների համար:

 

Ամերիաբանկ ՓԲԸ-ն վերահսկվում է ՀՀ ԿԲ կողմից: