HERE AND BEYOND
Ամերիաբանկը ներկայացրել է վերականգնվող էներգետիկայի վարկավորման ծրագիրը
Մամուլի կենտրոն
Երեւան /Մեդիամաքս/. Ամերիաբանկը այսօր ՀՀ էներգետիկ հատվածի ներկայացուցիչներին ներկայացրել է վերականգնվող էներգետիկայի վարկավորման ծրագիրը:
 
Ինչպես հաղորդում է ՄԵԴԻԱՄԱՔՍ-ը, այսօր նոր վարկային ապրանքատեսակի շնորհանդեսի ժամանակ բանկի կորպորատիվ հաճախորդների գծով տնօրեն Լեւոն Արեւշատյանը տեղեկացրել է, որ ընկերության վարկային ծրագրի շրջանակներում վարկեր կարող են ստանալ մինչեւ 10 Մվտ հզորությամբ փոքր հիդրո- եւ քամու էլեկտրակայանները` շինարարության կամ արդիականացման նպատակով: Վարկերի մարման ժամկետը կազմելու է 8 տարի` 3 տարի արտոնյալ ժամանակահատվածով: Վարկային տոկոսադրույքները սկսվելու են տարեկան 11%-ից: Վարկերը տրամադրվելու են ԱՄՆ դոլարով:
 
Լեւոն Արեւշատյանը տեղեկացրել է, որ վարկային ծրագրի ծավալը $20 մլն է: Նրա խոսքերով, բանկը ծրագիրն իրականացնում է ինչպես սեփական, այնպես էլ երկու միջազգային ֆինանսական ինստիտուտների միջոցներով:

Ամերիաբանկի կորպորատիվ հաճախորդների գծով տնօրենը հայտնել է նաեւ, որ վարկային ծրագրի իրականացման համար բանկը ներդրել է էկոլոգիական ռիսկերի կանխատեսման, զսպման եւ չեզոքացման ամբողջական ծրագիր, որի մասնագետները մասնակցելու են այս կամ այն ձեռնարկության վարկավորման վերաբերյալ որոշումների կայացմանը:

Թարմացված է առ 03.11.2009 թ., 15:07
2021 © "Ameriabank" CJSC   |   Բոլոր հեղինակային իրավունքները պաշտպանված են:

Հարգելի այցելու,

Կայքի որևէ տեղեկության վերաբերյալ տարբեր լեզուներում անհամապատասխանություն, ինչպես նաև ռուսերեն և անգլերեն տեքստերում ոչ ամբողջական նյութ տեսնելու դեպքում խնդրում ենք առաջնորդվել հայերեն տարբերակով:

 

Ամերիաբանկ ՓԲԸ-ն պատասխանատվություն չի կրում իր ինտերնետային կայքում հղված այլ անձանց ինտերնետային կայքերի բովանդակության ստույգության և արժանահավատության, այնտեղ տեղադրված գովազդների, ինչպես նաև երրորդ անձանց կողմից այդ կայքերում տեղադրված տեղեկության օգտագործման հնարավոր հետևանքների համար:

 

Ամերիաբանկ ՓԲԸ-ն վերահսկվում է ՀՀ ԿԲ կողմից: