HERE AND BEYOND
Ամերիաբանկը սկսում է վերականգնվող էներգետիկայի եւ փոքր ու միջին բիզնեսի վարկավորման ծրագրեր  
Մամուլի կենտրոն
Ինչպես հաղորդում է ՄԵԴԻԱՄԱՔՍ-ը, այդ մասին այսօր Երեւանում տեղեկացրել է Ամերիաբանկի կորպորատիվ հաճախորդների գծով տնօրեն Լևոն Արևշատյանը:
 
Վերականգնվող էներգետիկայի վարկավորման ծրագրի շրջանակներում ընկերությունները կարող են դիմել բանկ` փոքր հիդրո- և հողմային էլեկտրակայանների կառուցման կամ արդիականացման նպատակով վարկ ստանալու համար: Վարկերի մարման ժամկետը մինչեւ 8 տարի է` 3 տարի արտոնյալ ժամկետով: Տոկոսադրույքները սկսվելու են տարեկան 11%-ից:
 
Լևոն Արևշատյանը տեղեկացրել է, որ վարկային ծրագրի ընդհանուր ծավալը կազմում է $20 մլն, որոնք Ամերիաբանկին են տրամադրել 2 միջազգային ֆինանսական հաստատություններ: Բանկի կանխատեսումներով ծրագրի իրականացման արդյունքում կառուցվելու կամ արդիականացվելու են 15-20 ՄՎտ ընդհանուր հզորությամբ փոքր էլեկտրակայաններ:
 
"Ամերիաբանկը ներդնելու է բնապահպանական ռիսկերի կանխատեսման, զսպման եւ չեզոքացման ամբողջական համակարգ, որի մասնագետները մասնակցելու են այս կամ այն ծրագրի վարկավորման մասին որոշման ընդունմանը" - ասաց Լևոն Արևշատյանը:
 
Անդրադառնալով բանկում մեկնարկող ՓՄՁ վարկավորման ծրագրին, նա նշեց, որ այն առավելապես նախատեսված է միջին ընկերությունների համար, որոնց տարեկան շրջանառությունը գերազանցում է $15 մլն-ը, իսկ աշխատակիցների թիվը կազմում է մինչեւ 250: Տվյալ վարկային ծրագրի շրջանակներում ընկերությունները կարող են ցածր տոկոսադրույքներով (սկսած տարեկան 11%-ից) ֆինանսավորում ստանալ մինչեւ $1.5 մլն-ի չափով: Լևոն Արևշատյանը տեղեկացրեց, որ այս ծրագիրը, որի ընդհանուր ծավալը կազմում է $40 մլն, ևս իրականացվում է միջազգային ֆինանսական հաստատությունների հետ համագործակցությամբ:
Թարմացված է առ 26.10.2009 թ., 16:24
2021 © "Ameriabank" CJSC   |   Բոլոր հեղինակային իրավունքները պաշտպանված են:

Հարգելի այցելու,

Կայքի որևէ տեղեկության վերաբերյալ տարբեր լեզուներում անհամապատասխանություն, ինչպես նաև ռուսերեն և անգլերեն տեքստերում ոչ ամբողջական նյութ տեսնելու դեպքում խնդրում ենք առաջնորդվել հայերեն տարբերակով:

 

Ամերիաբանկ ՓԲԸ-ն պատասխանատվություն չի կրում իր ինտերնետային կայքում հղված այլ անձանց ինտերնետային կայքերի բովանդակության ստույգության և արժանահավատության, այնտեղ տեղադրված գովազդների, ինչպես նաև երրորդ անձանց կողմից այդ կայքերում տեղադրված տեղեկության օգտագործման հնարավոր հետևանքների համար:

 

Ամերիաբանկ ՓԲԸ-ն վերահսկվում է ՀՀ ԿԲ կողմից: