Ամերիաբանկն այն սակավաթիվ բանկերից է Հայաստանում, որն ունի էջ այդ հեղինակավոր տեղեկատվական համակարգում, որը ճանաչում ունի աշխարհում ֆինանսական տեղեկատվության ճշգրիտ և հավաստի ներկայացմամբ: Bloomberg տեղեկատվական գործակալությունը սպասարկում է աշխարհի ավելի քան 100 երկրի հաճախորդների, ներառում է մի քանի հազար տեղեկատվական պատուհաններ և Bloomberg News հատուկ բաժիններ, որով հաճախորդներին հնարավորություն է տալիս ընտրել ցանկացած տեղեկատվություն արժույթների, բաժնետոմսերի, ապրանքների, ֆյուչերների և օպցիոնների մասին, և բոլոր գնանշումներն ու նորությունները ներառվում են ռեալ ժամանակի ռեժիմով: “Ամերիաբանկ”-ը նախատեսում է մոտակա 3 ամսում ընդլայնել Bloomberg համակարգում ներկայացվող Բանկի ծառայությունների ցանկը: Bloomberg համակարգում “Ամերիաբանկ”-ի էջը արտաքին ներդրողներին հնարավորություն է ընձեռում, ցանկացած պահի, հաղորդակից լինելու Բանկի կողմից առաջարկվող ծառայություններին առնչվող տեղեկատվությանը: