Աշխատանքային էթիկայի կանոններ

«Ամերիաբանկ» ՓԲԸ թիմում առավելագույնս կարևորվում և մեծ դեր ու նշանակություն է տրվում աշխատանքային էթիկայի կանոնների պահպանմանն ու զարգացմանը: Յուրաքանչյուր աշխատակից պարտավոր է իր գործողություններում և մասնագիտական պարտականությունները կատարելիս և՛ գործընկերների, և՛ հաճախորդների հետ շփման ընթացքում հետևողական լինել արտաքին տեսքի, գործարար ոճի, խոսելաոճի, վարվելաձևի կանոնների պահպանմանը` համաձայն Բանկում ընդունված աշխատանքային էթիկայի կանոնների:

• Ընդունելի է զուսպ, օրինակելի, հարգալից և բարեհամբույր վերաբերմունքը բանավոր և գրավոր շփումներում:
• Պետք է բացառել անհարգալից վերաբերմունքի դրսևորումն անկախ զբաղեցրած պաշտոնից, ինչպես նաև, թույլ չտալ այնպիսի իրավիճակների առաջացումը, որոնք կարող են վնասել Բանկի գործարար համբավը:
• Հատկապես նորանշանակ կամ հաճախորդների հետ անմիջական շփման մեջ գտնվող աշխատողների համար պարբերաբար իրականացվում են վերապատրաստումներ` վերջիններիս աշխատանքային էթիկայի կանոններին առավելագույնս իրազեկելու և Բանկում գործարար էթիկայի բարձր մակարդակի պահպանումն ապահովելու նպատակով:
• Աշխատանքային էթիկայի կանոնների կոպիտ խախտման դեպքում աշխատողի նկատմամբ կարող են կիրառվել կարգապահական տույժեր` համաձայն Բանկի ներքին իրավական ակտերի և ՀՀ Աշխատանքային օրենսգրքի պահանջների:
   

Քաղվածք էթիկայի և վարքագծի կանոնագրքից